Majburiy ijro byurosi Qoraqalpog‘iston Respublikasi boshqarmasi va uning hududiy bo‘limlari tomonidan banklar foydasiga kredit qarzdorliklarini undirish ishlari jadallashtirilmoqda.

Jumladan, joriy yilda boshqarma va uning hududiy bo‘limlari tomonidan tijorat banklari foydasiga kredit qarzlarini undirish bilan bog‘liq 15 990 ta ijro hujjatlarining ijrosi ta’minlanib, 264,1 mlrd. so‘m pul mablag‘lari amalda undirilgan.

Qoldiqdagi ijro hujjatlari ijrosini ta’minlash maqsadida, 164,2 mlrd. so‘mlik 7 637 ta ijro hujjatlari bo‘yicha undiruv qarzdor jismoniy shaxslarning ish haqlariga qaratilib, qarzdorliklar qoplanmoqda.

Shuningdek, qarzdorlarga tegishli bo‘lgan jami 48,1 mlrd. so‘mlik 179 ta ko‘chmas mulk, qishloq xo‘jaligi texnikalar, avtotransport vositalari va boshqa turdagi mol-mulklar xatlanib, elektron onlayn-auksion savdolariga chiqarilgan.

Bu boradagi tadbirlar davom etmoqda.

• Bosh prokuratura
• MIB
• Maishiy texnika
• tadbir