Avvalroq, Xorazm viloyatida Adliya va FVB boshliqlari Mehribonlik uyi mudirasining “muammolarini hal etishga va’da berib”, muassasa tarbiyalanuvchisi bo‘lgan 15, 16 va 17 yoshli voyaga yetmagan qizlar bilan o‘z xohishlariga qarshi tarzda jinsiy aloqada bo‘lib kelishgani haqida xabar berilgandi.
O‘zbekiston Respublikasi Prezidenti Administratsiyasi rahbarining o‘rinbosari Komil Allamjonov ushbu holatga munosabat bildirdi.
“Pedofillarga nisbatan kimyoviy kastratsiya jazosini qo‘llash yuzasidan qonunchilikka o‘zgartirish kiritish vaqti keldi!” –, deb yozadi u Telegramdagi kanaliga joylagan postida.
Shuningdek, Prezident Administratsiyasi rahbarining o‘rinbosari ushbu jazoni qo’llashga qarshi fikr bildirayotganlarga ham o’z javobini qaytargan.
“P.S. Agar bu masala dunyo tajribasisiz bo‘lmaydi, qayda bor bu jazo, desangiz Qozog‘iston, Ukraina, Germaniya, Norvegiya, Shvesiya, Daniya, Isroil, Janubiy Koreya, Fransiya, AQSh va hokazo davlatlarni ko‘ring. Ularda bor ekan bu jazo. Xitoy, Lotin Amerikasi davlatlari, Saudiya Arabistoni va Eronda biryo‘la o‘ldirib yuborilar ekan” – deb yozadi Allamjonov.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!