Rossiya prezidenti Vladimir Putin amerikalik tadbirkor Ilon Maskni ajoyib shaxs, faol va iqtidorli biznesmen deb biladi. Bu haqda u kecha, 12-sentyabr kuni Sharqiy iqtisodiy forum (EEF) yalpi majlisida aytib o‘tdi.

"Xususiy biznesga kelsak, Ilon Mask, albatta, u ajoyib shaxs. Buni tan olish kerak, menimcha, buni butun dunyo tan oladi", - dedi Putin.

Shuningdek, Rossiya prezidenti Ilon Mask haqida gapirar ekan "u faol va juda iste'dodli tadbirkor", deya qo'shimcha qildi.

Qolaversa, Rossiya yetakchisi Maskning “Amerika davlati ko‘magida” ko‘p ish qilayotganiga alohida e’tibor qaratdi.

“Oʻz navbatida, biz ham bu ishni rivojlantirish niyatidamiz va Roskosmos hukumat tomonidan qoʻllab-quvvatlangan [xususiy investorlarni koinotni oʻrganishga jalb qilish boʻyicha] qaror qabul qilgan”, – dedi Putin.

Rossiya prezidenti kosmik sohaga xususiy sarmoya jalb etilayotganini ta’kidlab, "bu juda muvaffaqiyatli", deb qo'shimcha qildi.

• Biznes
• Ilon_Mask
• Putin
• Roskosmos
• Rossiya
• Tadbirkorlik
• kosmos