Rossiya va Turkiya prezidentlari Vladimir Putin va Rajab Toyyib Erdo‘g‘on 5-yanvar kuni telefon orqali muloqot qildilar. Bu haqda “Anadolu” agentligi xabar berdi.

Davlat rahbarlari muloqot davomida Ukraina va Suriyadagi vaziyat, shuningdek, gaz habini yaratish masalalarini muhokama qilishgan.

Qayd etilishicha, shu tariqa Erdo‘g‘on Putinga Ukraina mojarosi atrofidagi muloqotni rivojlantirish bo‘yicha tashabbuslarning ijobiy natijalarini eslatib o‘tgan, bu g‘alla kelishuvi va harbiy asirlar almashinuvida namoyon bo‘lgan.

Shuningdek, Erdo‘g‘on Putinni Ukrainada tez orada bir tomonlama o‘t ochishni to‘xtatish va inqirozni tinch yo‘l bilan hal qilishga chaqirgani ma’lum qilingan.

Bundan tashqari, Turkiya prezidenti Rossiya rahbarini Anqara tabiiy gaz markazini yaratish uchun zarur bo‘lgan energetika infratuzilmasini mustahkamlashda davom etayotganiga ishontirgan.

• Erdogʻan
• Putin
• Ukraina
• muloqot