Kreml matbuot xizmati kotibi Dmitriy Peskov Rossiya Prezidenti Vladimir Putinning Ozarbayjon prezidenti Ilhom Aliyev va Armaniston bosh vaziri Nikol Pashinyan bilan uchrashuvi haqida ma’lumot berishdan tiyildi.

“Biz buni mustaqil ravishda e’lon qilamiz”, - dedi Kreml matbuot kotibi Dmitriy Peskov.

Boku va Yerevandagi manbalarga ko‘ra, sammit kelasi hafta bo‘lib o‘tishi mumkin.

Rossiya Tashqi ishlar vazirligi matbuot kotibi Mariya Zaxarova avvalroq Putin Ozarbayjon va Armaniston rahbarlarini uch tomonlama va ikki tomonlama masalalarning butun spektrini muhokama qilish uchun yangi uch tomonlama sammitga taklif qilganini maʼlum qilgan edi.

Ma’lumot uchun, Putin, Aliyev va Pashinyan o‘rtasidagi avvalgi uch tomonlama muzokaralar 2021-yilning noyabrida Sochida bo‘lib o‘tgan edi.

• Armaniston
• Ozarbayjon
• Putin