Bugun, 4-yanvar tunda qor ko‘chkisi xavfi yuzaga kelgani sababli “Qamchiq” dovoni avtomobillar harakati uchun vaqtincha yopildi. Bu haqda Favqulodda vaziyatlar vazirligi xabar berdi.
O‘zbekiston Respublikasi Gidrometeorologiya xizmati markazi tomonidan berilgan maʼlumotga ko‘ra hududda qor ko‘chkisi xavfi eʼlon qilingan. Shu sababli bugun, 4-yanvar kuni soat 00:00 dan A-373 M-39 Guliston – Bo‘ka – Angren – Qo‘qon – Andijon – O‘sh avtomobil yo‘lining 228 – 253-kilometri oralig‘ida qor ko‘chkisi xavfi borligi sababli “Qamchiq” dovoni avtomobillar harakati uchun vaqtincha yopildi.
“Ayni daqiqalarda FVV rahbarligida tegishli tashkilotlarning mutaxassislari tomonidan vaziyat oqibatlarini bartaraf etish borasida keng ko‘lamli zaruriy ishlar amalga oshirilmoqda”, deyiladi xabarda.
“Qamchiq" dovonini qayta ochilishi bo‘yicha qo‘shimcha maʼlumot taqdim etiladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!