26-27-may kunlari Toshkent shahriga transport vositalarining kirishi taqiqlanishi va tungi vaqtda Qamchiq dovonida harakat cheklanishi haqidagi ijtimoiy tarmoqlarda tarqalgan xabarlar asossiz. Bu haqda Yo‘l harakati xavfsizligi xizmati xabar berdi.
Qayd qilinishicha, 26-27-may kunlari Toshkentda xalqaro darajadagi tadbirlar bo‘lib o‘tishi va ayrim yo‘llarda ta’mirlash ishlari olib borilayotganligi sababli ba’zi ko‘chalarda transport vositalarining harakati qisman cheklanishi mumkin.
Ta’kidlanishicha, Toshkent shahriga transport vositalarining harakatlanib kirishiga hech qanday cheklovlar yo‘q.
Avvalroq, Yo‘l harakati xavfsizligi xizmati zarurat bo‘lmaganda haydovchilarga Toshkent shahriga qarab harakatlanmaslikni tavsiya qilgan edi.
Eslatib o‘tamiz, prezident Shavkat Mirziyoyev taklifiga binoan Rossiya prezidenti Vladimir Putin 26-27-may kunlari davlat tashrifi bilan O‘zbekistonda bo‘ladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!