AQSh va Yevropa Ittifoqi 2022-yilning mart oyida Rossiyaga dollar va yevro eksportini taqiqlagan edi. Biroq, Rossiya kamroq hajmda bo‘lsa ham ularni import qilishda davom etmoqda. Bu haqda Reuters ma’lum qildi.

Keltirilishicha, naqd puldan ba’zi savdo operatsiyalari uchun foydalanish hali-hanuz ancha qulayroq.

Reuters axborot agentligi bojxona ma’lumotlariga ko‘ra, 2022-yilning mart oyidan beri Rossiyaga 2,3 milliard dollar va yevro kelib tushgan.

Ilgari hech qayerda uchramagan bu hisob-kitoblar Rossiya naqd pul olib kirishga to‘sqinlik qiluvchi sanksiyalarni chetlab o‘ta olganini ko‘rsatadi.

Rossiyaliklar uchun dollar va yevro xarid qilish va sayohat qilish uchun zarur bo‘lib qolmoqda – hatto Moskva o‘zining qattiq valyutalarga qaramligini kamaytirishga intilayotgan bir paytda. Tijorat kompaniyasidan olingan bojxona ma’lumotlari naqd pul Rossiyaga Rossiya bilan savdoga cheklovlar qo‘ymagan BAA va Turkiya kabi davlatlardan kirib kelayotganini ko‘rsatadi.

Eslatib o‘tamiz, AQSh hukumati dekabr oyida Rossiyaga sanksiyalarni chetlab o‘tishga yordam beradigan moliyaviy institutlarni jarima bilan tahdid qilgan edi.

• Rossiya