Toshkent metropolitenining barcha bekatlarida maxsus metall detektor qurilmalarini oʻrnatish ishlari boshlandi. Bu haqda “Toshkent metropoliteni” DUK xabar berdi.

Qayd etilishicha, Toshkent metropolitenidan foydalanuvchi yoʻlovchilar soni kun sayin ortib bormoqda. Bu esa metropoliten xodimlaridan qoʻshimcha masʼuliyat va javobgarlikni talab etadi.

Shu bois, bekatlardagi xavfsizlik choralarini taʼminlash va yoʻlovchilarga sifatli xizmat koʻrsatish maqsadida barcha metro bekatlarida maxsus metall detektor qurilmalari oʻrnatiladi.

“Shu o‘rinda yo‘lovchilardan o‘zlari va o‘zgalarning xavfsizligiga befarq bo‘lmasliklarini hamda xavfsiz xizmat ko‘rsatilishida yaqindan yordam berishlarini so‘raymiz”, deyiladi xabarda.

• Metropoliten