Tarixdagi ayrim buyuk shaxslarning qabrlari qayerda ekanligi haligacha aniqlanmagan. Balki podsholarning dushmanlari ko‘p bo‘lgan va jasadlari himoyalangan holda saqlanishini istagan bo‘lishlari mumkin. Qabri aniqlanmagan tarixiy shaxslar orasida buyuk sarkarda va hukmdor Iskandar Zulqarnayn ham bor.

Tarixdan bilamizki, Iskandar Zulqarnayn ko‘p bosqinchilik yurishlaridan keyin Bobilda miloddan avvalgi 323-yilda vafot etgan. O‘lim sababi bezgak yoki sharobdan zaharlanish deb taxmin qilinadi. Uning jasadi mumiyolangan va avval Memfisga, keyin Iskandariyadagi qabrga dafn etilgan. Biroq milodiy IV-V asrlarda shaharning vayron bo‘lishi oqibatida qabr izsiz yo‘qolgan va haligacha aniqlanmagan.

Mo‘g‘ullar hukmdori Chingizxon hozirgi Ukrainadan to Xitoygacha bo‘lgan qudratli imperiyani qurgan. 1227-yilda vafot etgan. Uning o‘limi sababi hali ham sir bo‘lib qolmoqda. Taxminlarga ko‘ra, Chingizxon harbiy yurish paytida olingan yuqumli jarohatdan vafot etgan. Marko Poloning yozishicha, uning qabrining qayerda joylashgani hozircha noma’lum. Shuningdek, qabrining ustiga daryo o‘zani burib yuborilib, suv ostida qolgani taxmin qilinadi.

Tutmoz II

Fir’avn Tutmos II milloddan avvalgi 1492-1479-yillarda hukmronlik qilgan. Aynan shu hukmdor muqaddas kitoblarda Muso allayhisalom va uning qavmini quvg‘in qilgan firavn deb taxmin qilinadi.

Uning haykali topilgan, ammo qabri haligacha aniqlanmagan.

• ilm-fan
• topilma