Checheniston rahbari Ramzan Qodirov faxriy jurnalist sifatida e’tirof etilgan. U bu haqda o‘zining Telegram sahifasida ma’lum qildi.

Grozniy shahrida Ahmad-Hoji Qodirov xotirasiga bag‘ishlangan “Oltin qalam” xalqaro jurnalistik mukofotni topshirish marosimida Checheniston rahbariga “OAV sohasini rivojlantirish uchun zarur shart-sharoitlar yaratgani” va “Jurnalistlar hamjamiyatini jahon miqyosida qo‘llab-quvvatlayotgani uchun” esdalik sovg‘asi topshirilgan.

Tadbirda, shuningdek, Qodirov taniqli jurnalistlarga mukofotlar topshirgan. Rossiya davlat teleradiokompaniyasining harbiy muxbiri Aleksandr Sladkov mukofotning gran-prisini qo‘lga kiritgan. Ramzan Qodirov harbiy muxbir va Donesk davlat teleradiokompaniyasi direktori Andrey Rudenkoga “Checheniston Respublikasida xizmat ko‘rsatgan jurnalist” faxriy unvonini topshirgan.

Ma’lumot uchun, Ahmad-Hoji Qodirov nomidagi mukofot har yili eng iqtidorli va o‘ziga xos san’at asarlarini yaratgan va madaniyat sohasidagi ijodiy loyihalarni amalga oshirgan soha vakillari uchun beriladi.

• Chechiniston
• Mukofot
• Ramzan Qodirov