Tengrinews.kz nashri xabariga ko‘ra, Qozog‘iston sobiq prezidenti mamlakat xavfsizlik kengashi va Assambleyasini umrbod boshqarish haqidagi konstitutsiya qonunlariga o‘zgaritishlar kiritilgan.

“Yaxshi bilasiz, bu allaqachon amalga oshgan holat – Assambleyaga davlat rahbari boshchilik qiladi, bu haqda Elboshining o‘zi va Xavfsizlik kengashi aytgan. Bu yerda muhokama qiladigan narsa yo‘q. Tuzatishlar qo‘mitaning ish jarayonida kiritildi. Ular aniq va tahrirdan o‘tgan”.
Ayni vaqtda Nursultan Nazarboyevning matbuot xizmati Nazarboyev ish o‘rnini o‘zi bo‘shatib berganini ta’kidlagan.

Egov.press saytida esa Qozog‘iston prezidenti va parlamentiga murojaat etilib, Nursulton Nazarboyev va uning oila a’zolariga to‘liq daxlsizlikni kafolatlangan “Birinchi Prezident to‘g‘risida”gi qonunni bekor qilishni talab qiluvchi petitsiya e’lon qilingan.

“Birinchi Prezident to‘g‘risida”gi Konstitutsiyaviy qonun 2000-yili qabul qilingan. Unga ko‘ra, Elboshi unvoniga ega Nazarboyev alohida mavqega ega bo‘lib, unga nisbatan bir qator istisnolar joriy qilingan. Birinchi prezidentni qo‘lga olish, uni tintuv qilish, so‘roq qilish va hibsga olish mumkin emas. Qonun Nazarboyev va uning oila a’zolariga tegishli mulk va bank hisoblari daxlsizligini kafolatlaydi. Ularning barchasi davlat hisobidan umrbod himoya, aloqa, transport va tibbiy sug‘urta va boshqa imtiyozlar bilan ta’minlanadi. Davlat ta’minotidagi xizmat uyi va dala hovlisi Elboshi mulkiga o‘tadi.

“Bunday imtiyozlar demokratik jamiyat qurishga intilayotgan Qozog‘iston uchun to‘g‘ri kelmaydi, deb hisoblaymiz. Bundan tashqari, bu holat birinchi prezident oilasi va boshqa qarindoshlarining daromad manbalari borasida shubha tug‘diradi. Bularning barchasi qonuniy va obyektiv tekshiruvdan o‘tkazilmog‘i lozim, biroq mazkur qonun bunga yo‘l qo‘ymaydi. Biz ushbu qonunni bekor qilishni talab qilamiz!” — deyiladi Asilxon Alibekov muallifligida yozilgan petitsiyada.

• Qozog‘iston