Qozogʻistonlik UFC jangchilari Damir Ismagulov, Jalgas Jumagulov va Shavkat Rahmonovlar hozir mamlakatning yirik shaharlarida boʻlib oʻtayotgan mitinglarni qoʻllab-quvvatladi.
Har bir sportchi oʻzining Instagram sahifasida bu haqda maʼlum qilgan.
“Men har qanday holatda ham siz bilanman. Hozir men Qozogʻistonda emasman va qoʻllab-quvvatlashim mumkin boʻlgan yagona narsa bu video yozib olish.
Umid qilamanki, hukumat muammolarni xalq manfaati uchun hal qiladi. Xudodan barchaga kuch-quvvat va sabr-toqat tilayman”, — deb yozadi Shavkat Rahmonov.
Damir Ismagulov esa “Biz birgamiz, Qozogʻiston”, — deya yozib qoldirgan. Oʻz navbatida, yana bir qozogʻistonlik sportchi Jalgas Jumagulov ham “Xalq bilan birga”, — degan izoh qoldirgan.
Qayd etish mumkin, Qozogʻistondagi vaziyat 2-yanvar kuni Janaoʻzen shahrida (Mangʻistau viloyatidagi shahar, mamlakat gʻarbida) suyultirilgan gaz narxining keskin oshishiga qarshi mitinglar bilan boshlangan edi.
Soʻngra, bu miting iqtisodiy va siyosiy talablar bilan butun mamlakat boʻylab ommaviy norozilik namoyishlariga aylanib ketdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!