Kecha, 5-aprel oqshomida Ispaniya Kubogining yarim final javob bahsida Madrid klubi kataloniyalik raqibi ustidan gʻalaba qozonib, final bosqichiga yoʻl oldi.
Uchrashuvning birinchi boʻlimi keskin kurashlar ostida oʻtdi va hisob taym yakuniga kelib ochildi. Madridliklarning qarshi hujumini Vinisius Junior gol bilan yakunladi.
Ikkinchi boʻlimda esa madridliklar raqib darvozasini ketma-ket 3 marotaba ishgʻol etib, hisobni yirik koʻrinishga keltirdi. Gollardan biri penaltidan kiritildi.
Shu tariqa ikki oʻyin natijasiga koʻra “Real” final yoʻllanmasiga ega chiqdi. Mazkur jamoalar oʻrtasidagi dastlabki oʻyin “Barselona”ning 1:0 hisobidagi gʻalabasi bilan yakunlangan edi.
Qayd etish mumkin, hal qiluvchi bosqichda Karlo Anchelotti boshchiligidagi jamoa 6-may kuni “Osasuna”ga qarshi maydonga tushadi.
Ispaniya Kubogi | Yarim final
“Barselona” — “Real Madrid” 0:4
Gollar: 0:1 – 45 Vinisius Junior, 0:2 – 50 Benzema, 0:3 – 58, penalti Benzema, 0:4 – 80 Benzema.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!