Qirollik klubi asosiy stadioni keyingi yili yozda ta’mirdan chiqadi.

“Real Madrid” Rojer Federer va Rafael Nadal o‘rtasidagi o‘yinni yangilangan “Santyago Bernabeu”da tashkil qilmoqchi.

As xabariga ko‘ra, Madrid klubi 2023-yilning yozida stadionda ta’mirlash ishlari yakunlangach, ko‘rgazmali o‘yin tashkil etishni rejalashtirgan.

Qaytib olinadigan maysa “Real Madrid”ga har qanday turdagi tadbirlar uchun zarur bo‘lgan har qanday sirtni o‘rnatishga imkon beradi.

Eslatib o‘tamiz, Nadal “Real”ga muxlislik qiladi.

Federer yaqinda faoliyatini yakunlashini e’lon qildi. Uning so‘nggi turniri kelasi haftada Londonda bo‘lib o‘tadigan Leyver kubogi bo‘ladi.

• Futbol
• Nadal
• Real
• Rojer Federer
• Tennis