Rus qoʻshinlari Ukraina janubidagi Xerson shahridan olib chiqilgach, sharqiy Donetsk viloyatiga yangi hujum boshladi.

13-noyabr kuni AQShda joylashgan tahliliy tadqiqot markazi Ukraina muhim gʻalaba qozongan boʻlsa-da, xalqaro hamkorlar yordam yuborishni toʻxtatib, koʻpchilikning Moskva tarafdori boʻlishi kutilayotgan yangi tinchlik muzokaralarini boshlash vaqti emasligini aytdi.

Taʼkidlanishicha, Ukraina Qurolli Kuchlari (UAF) Dnepr daryosining gʻarbiy qirgʻogʻida nazoratni mustahkamlab, Rossiyani daryoni yana kesib oʻtishga urinishdan qaytarish uchun qoʻshinlarni toʻplashi mumkin.

UAF shuningdek, mudofaa va qarshi hujum operatsiyalari uchun boshqa hududlarga kuchlarni qayta taqsimlashi kutilmoqda.

Keyingi janglar bo‘ladigan asosiy hududlardan biri Ukraina sharqi, Donetsk viloyatidir.
Taxminlarga ko‘ra, yaqin kunlarda Rossiyaning Donetsk viloyatidagi hujum operatsiyalari qoʻshimcha safarbar qilingan harbiylar yetib borishi bilan kuchayadi.

Hududdagi ukraina kuchlari qiyin ahvolda bo‘ladi va Kiyev Rossiyaning yangi hujumlaridan himoyalanish uchun qo‘shinlarini yo‘naltirishga majbur bo‘ladi.

Qo‘shni Lugansk viloyatida esa Ukraina kuchlari cheklangan yutuqlarga erishishda davom etdi.

Tahlilchilarning fikricha, agar g‘arbiy Xerson qo‘shinlari u yerga qayta joylashtirilsa, Rossiya mintaqadagi mudofaa pozitsiyalarini ham kuchaytirganiga qaramay, Ukraina yanada ko‘proq muvaffaqiyatga erishishi mumkin.

• AQSh
• Rossiya
• Ukraina
• Yevropa Ittifoqi