Rossiya o‘z yo‘lini tanladi, endi ortga qaytish yo‘q. Bu haqda bugun, 22-sentabr kuni Rossiya Federatsiyasi Xavfsizlik kengashi raisi o‘rinbosari Dmitriy Medvedev o‘zining Telegram -kanalida yozdi.
“G‘arb hukumdor doiralari, umuman, NATO davlatlarining barcha fuqarolari Rossiya o‘z yo‘lini tanlaganini tushunishi kerak. Endi orqaga yo‘l yo‘q”,– deydi Medvedev.
Ma’lumot uchun, joriy yilning 21-sentabr kuni Rossiya prezidenti Vladimir Putin rossiyaliklarga, shuningdek, Ukrainaning DXR, LXR, Xerson va Zaporojye viloyatlari aholisiga murojaat qilib mamlakatda qisman safarbarlik e’lon qilgandi. Ushbu chaqiruvga faqat rezervda bo‘lgan va harbiy xizmatni o‘tagan fuqarolar qabul qilinadi. Ular jo‘natilishidan avval qo‘shimcha treningdan o‘tadi. Bu haqda maxsus farmon imzolangan va Kreml saytida e’lon qilingan.
“Muddatli harbiy xizmatga faqat hozir rezervda bo‘lgan, birinchi navbatda, qurolli kuchlar saflarida muddatli harbiy xizmatni o‘tagan, muayyan harbiy mutaxassislik va tegishli tajribaga ega bo‘lgan fuqarolargina chaqiriladi. Muddatli harbiy xizmatga chaqirilganlar bo‘linmalarga jo‘natilishdan oldin maxsus harbiy operasiya tajribasini inobatga olgan holda qo‘shimcha harbiy tayyorgarlikdan o‘tadilar”, – deydi Putin.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!