Anadolu agentligining ma’lum qilishicha, Isroil armiyasining G‘azo shahridagi Shifa kasalxonasi yaqinidagi jurnalistlar joylashgan chodirga uyushtirgan hujumida besh nafar jurnalist, jumladan, ikki nafar Al Jazeera muxbiri halok bo‘lgan.

Al Jazeera muxbirlari Enes esh-Sharif, Muhammad Kurayka va uch operator hujumda halok bo‘lgani aytildi.

Isroil armiyasi esa o‘z bayonotida Enes esh-Sharifning o‘ldirilganini tan olgan.

Bayonotda aytilishicha, Sharif “Hamasda guruh rahbari sifatida xizmat qilgani va Isroilga raketa hujumlarini rejalashtirgani” uchun nishonga olingan.

Rasmiylarning xabariga ko‘ra, 2023-yil 7-oktyabrdan buyon Isroilning G‘azodagi hujumlarida halok bo‘lgan jurnalistlar soni 237 nafarga yetgan.

Hukumatning G‘azodagi matbuot bo‘limi hujumda halok bo‘lganlar safida fotojurnalistlar Ibrohim Zohir, Mo‘min Alive va Muhammad Navfal bo‘lganini, voqeada boshqa ko‘plab jurnalistlarning ham jarohatlanganini e’lon qilgan.

“Isroil armiyasining jurnalistlar va ommaviy axborot vositalarini nishonga olishi haqiqatni o‘chirish va genotsid jinoyatlari izlarini yo‘q qilish, G‘azo sektorida amalga oshirilgan vahshiyona qirg‘inlarni yashirishga qaratilgan to‘liq harbiy jinoyatdir”, – deyiladi bayonotda.

• Falastin
• Isroil
• jurnalist