Rosstat ma’lumotlariga ko‘ra, o‘tgan yili zamonaviy Rossiya tarixida birinchi marta aholining tabiiy qisqarishi 1 million kishidan oshdi. Xususan, koronavirus tashxisi qo‘yilgan rossiyaliklar orasida 500 mingdan ortiq o‘lim qayd etilgan, bu 2020-yilga nisbatan 3,2 barobarga ko‘p.

2021-yilda Rossiya aholisining tabiiy qisqarishi mamlakatning zamonaviy tarixidagi eng yuqori ko‘rsatkichga aylandi, deya xabar beradi Rosstat juma kuni e’lon qilgan ma’lumotida.

Ularga ko‘ra, aholi sonining qisqarishi, ya’ni o‘lganlar sonining tug‘ilganlar sonidan oshib ketishi ko‘rsatkichi 1,04 million kishini tashkil qilgan. Bu Rosstat ma’lumotlariga ko‘ra, 2020-yilga nisbatan 34 foizga ko‘pdir, o‘shanda aholining tabiiy qisqarishi taxminan 688,7 ming kishini tashkil qilgan.

2021-yilda aholining tabiiy qisqarishi Rossiyaning butun yangi tarixidagi eng yuqori ko‘rsatkich bo‘ldi – so‘nggi rekord 2000-yilda qayd etilgan, o‘shanda tabiiy qisqarish 958 mingdan ortiq kishini tashkil etgan, deb yozadi “Interfaks”.

• Demografiya
• Rossiya
• Xorij
• statistika