$
10809.74 UZS
-15.23
141.04 UZS
-0.54
12317.70 UZS
-48.75
18° Kechasi

Rossiyada o‘zbek-xitoy vaksinasi tan olinadi

17:20 / 21.12.2021

O‘zbekiston innovatsion rivojlanish vaziri Ibrohim Abdurahmonov Regnum muxbiri bilan bo‘lgan suhbatda koronavirus bilan bog‘liq global muammoni faqat xalqaro hamkorlik orqali hal qilish mumkinligini aytgan.

Ibrohim Abdurahmonov nashr muxbiri bilan suhbatda o‘zbek-xitoy vaksinasini Rossiyada tan olinishi bo‘yicha bayonotdan mamnun ekanligini ma’lum qilgan.

“Vaksinalar va sertifikatlarning o‘zaro tan olinishi, aslida, pandemiya hukm surayotgan dunyoda inqirozdan chiqishning yagona muqobil bo‘lmagan va maqbul yo‘lidir. Hech bir farmasevtika kompaniyasi insoniyatni zarur miqdorda mavjud vaksinalar bilan bir o‘zi ta’minlay olmasligi aniq, demak, kelajak xalqaro hamkorlik va sheriklikdadir. Global muammoni faqat global sa’y-harakatlargina hal qilishi mumkin, O‘zbekistonning unga nisbatan yondashuvi mutanosib va pragmatikdir. Biz o‘zining samaradorligi va xavfsizligini isbotlagan ZF-UZ-VAC2001 preparatini Rossiya siyosiy rahbarlarining yaqin vaqt ichida tan olish zarurligi haqidagi bayonotlarini mamnuniyat bilan qabul qilamiz”, – degan Innovatsion rivojlanish vaziri.

Shuningdek, Rossiya bosh vaziri o‘rinbosari Tatyana Golikova vaksinalarni o‘zaro tan olish masalasi allaqachon kun tartibida ekanligini tasdiqlagan.

“Rossiya birinchilardan bo‘lib koronavirusga qarshi vaksinani yaratdi. Uning ortidan 2020-yilda O‘zbekiston Xitoy bilan hamkorlikda preparatni joriy qila boshladi. Hozir respublikada ham o‘zbek-xitoy vaksinasi, ham Rossiyaning Sputnik vaksinasi bilan faol emlash jarayonlari olib borilmoqda. Xorijiy vaksinaning Rossiya Federatsiyasi tomonidan tan olinishi ikki davlatda iqtisodiy tiklanish va ishbilarmonlik faolligini tiklash yo‘lidagi muhim qadam bo‘ladi”, – degan vazir o‘rinbosari.


O‘zbekiston