“O‘zbekiston Bosh konsulxonasi tomonidan Vazirlar Mahkamasi huzuridagi Migratsiya agentligining Novosibirsk shahridagi vakolatxonasi bilan birgalikda Rossiyaning Tomsk viloyatida og‘ir kasallikka chalingan o‘zbekistonlik vatanga qaytarildi”, – deb xabar qilmoqda “Dunyo” axborot agentligi.

Bosh konsulxonadan olingan ma’lumotga ko‘ra, Tomsk viloyatiga ishlash uchun borgan fuqaro B.X. tanasining bir qismi ishlamay qolgani va mustaqil harakat qilish imkoniyatidan mahrum bo‘lganligi sababli ushbu viloyatdagi 2-sonli klinik shifoxonasi yotqizilgan.

Rossiyalik shifokorlar B.X.ga barcha zarur tibbiy muolajalarni amalga oshirgan.

Bemorning ahvoli og‘irligi inobatga olinib, Bosh konsulxona va Migratsiya agentligi tomonidan uning O‘zbekistonga qaytishi uchun zarur ko‘mak ko‘rsatilgan hamda samolyotda vatanga kuzatib qo‘yilgan.

• Kasallik
• O‘zbekiston
• Rossiya