Samarqand davlat o‘rmon xo‘jaligi o‘rmon kadastri xodimi pora bilan ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti matbuot xizmati xabar berdi.

Qayd etilishicha, Bosh prokuratura huzuridagi Departament hamda DXXning Samarqand tumani bo‘limlari tomonidan tezkor tadbir o‘tkazilgan. Ushbu jarayon davomida Samarqand davlat o‘rmon xo‘jaligi o‘rmon kadastri vazifasida ishlovchi I.I. fuqaro F.S.ga ushbu o‘rmon xo‘jaligi tasarrufidagi 2 gektar yer maydonini auksion orqali olib berish evaziga 1 000 AQSh dollarini firibgarlik yo‘li bilan olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.

• O‘rmon
• Samarqand