Ko‘pchilikka maʼlum 2020-yilning 1-mayida Sirdaryo viloyatidagi Sardoba suv ombori yorilib ketgan va natijada viloyatning Sardoba, Oqoltin va Mirzaobod tumanlari, shuningdek, qo‘shni Qozog‘istonning chegara hududlaridagi aholi yashash puktlarini suv bosgan edi.

Ushbu toshqindan so‘ng hukumat darajasida qator hujjatlar qabul qilingan va ularda, jumladan, yaroqsiz holga kelib qolgan turarjoylar va boshqa ijtimoiy obyektlarni taʼmirlash viloyat hokimliklariga taqsimlangan va bu maqsadlar uchun 123 mlrd so‘m ajratilgan.

Ushbu fojia oqibatlarini bartaraf etishda Andijon viloyati hokimligi ham ishtirok etib, hokimlik Sirdaryo viloyati Mirzaobod tumani Navbahor massividagi 132 ta uy-joyni mukammal taʼmirlashni zimmasiga olgan. Buning uchun 2020-yilning 14-mayida 700 nafardan ziyod ko‘ngilli quruvchilar jalb qilingan va mazkur uylar qayta taʼmirlanib mahalliy aholining foydalanuviga topshirilgan edi.

Qizig‘i, joriy yil 14-may kuni, Sardoba fojiasidan ikki yil o‘tib, Andijon viloyati hokimi Shuhratbek Abdurahmonov viloyat mahalliy byudjetining 2022-yil 1-chorak daromadlar rejasini orttirib bajarilgan qismi hisobidan Cirdaryo viloyati Mirzaobod tumani “Navbahor” MFY hududidagi 131, 132, 133, 134-son turar-joy binolarini mukammal taʼmirlash ishlari uchun 200 mln so‘m ajratgan.

Sardoba fojiasida zarar ko‘rgan binolar taʼmiri hali ham viloyat hokimliklari zimmasidami?

Yoki 2 yil avvalgi qurilish –taʼmirlash ishlari kamchiliklar bilan topshirilganmi?

Qiziq...

• Andijon
• Hokimlik
• Sirdaryo
• qiziqarli