31°
Kechasi 18°
Dunyo aholisi soni 8 milliarddan oshib ketganiga qaramay, sayyoradagi demografik o'sish pasayib bormoqda.
Har yili 11-iyul kuni butun dunyoda Butunjahon aholi kuni nishonlanadi. Tegishli qaror 1989-yilda BMT Bosh Assambleyasi tomonidan aholi bilan bog'liq muammolarga e'tibor qaratish maqsadida qabul qilingan.
Birlashgan millatlar tashkilotining Aholishunoslik jamg‘armasi (UNFPA) har yili 11-iyul kuni aholi va rivojlanish muammolaridan xabardorlikni oshirish, bu boradagi muhim masalalarga e’tiborni qaratish maqsadida turli tadbirlar o‘tkazadi.
BMT ma'lumotlariga ko'ra, 1999-yilda dunyo aholisi 6 milliardga, 2011-yilda 7 milliardga, 2022-yilda esa 8 milliardga yetgan.
O'sish sog'liqni saqlash, ovqatlanish, shaxsiy parvarish va tibbiyotni yaxshilash orqali inson umrining asta-sekin o'sishi bilan bog'liq. Bu, shuningdek, ba'zi mamlakatlarda tug'ilishning yuqori va barqarorligi natijasidir.
Agar dunyo aholisining 7 dan 8 milliard kishiga ko'payishi uchun 12 yil kerak bo'lsa, 2037-yilga qadar 9 milliard kishiga yetishi uchun taxminan 15 yil kerak bo'ladi, bu butun dunyo aholisining o'sish sur'atining sekinlashuvidan dalolat beradi.
Dunyo aholisi 2023-yilgi hisobotga ko'ra, dunyodagi eng ko'p aholiga ega mamlakat 1 milliard 428 million 600 ming aholiga ega Hindiston hisoblanadi.
Undan keyingi o‘rinlarda 1 milliard 425 million 700 ming aholiga ega Xitoy va 340 million aholiga ega AQSh turadi.
Erkaklar uchun o'rtacha umr ko'rish 71 yosh, ayollar uchun 76 yosh deb belgilangan.
UNAPFA ma'lumotlariga ko'ra, dunyo aholisining o'sishi 8 mamlakatda – Kongo Demokratik Respublikasi, Misr, Efiopiya, Hindiston, Nigeriya, Pokiston, Filippin va Tanzaniyada jamlanadi.
2050-yilga borib bu davlatlar dunyo aholisining prognoz qilinayotgan o'sishining yarmini tashkil qilishi kutilmoqda.
Turkiya Statistika Instituti (TÜİK) maʼlumotlariga koʻra, Turkiya 85 million 279 ming 553 kishilik aholi bilan 194 davlat orasida 18-oʻrinda.
Turkiya aholisi butun dunyo aholisining 1,1 foiziga to'g'ri keladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
