Uy ichida sham yoqish yoki go‘sht qovurishdan hosil bo‘lgan tutun inson DNKsiga zarar yetkazishi mumkin. Bu Daniyada o‘tkazilgan tadqiqotlarda maʼlum bo‘ldi.

Ekspertlarning so‘zlariga ko‘ra, uy havosida inson salomatligiga zarar yetkazuvchi ko‘p miqdorda, aniqrog‘i, 900 dan ortiq turli xil kimyoviy moddalar topilgan. Ushbu moddalar bo‘yoqlar, oshxona va hammom tozalash vositalari hamda kosmetika mahsulotlari bilan bog‘liq. Ammo bu hali hammasi emas.

Jahon sog‘liqni saqlash tashkilotining hisob-kitoblariga ko‘ra, har yili uch million odam oziq-ovqat mahsulotlarini ishlab chiqarishdan hosil bo‘ladigan chiqindilar tufayli bevaqt vafot etadi. Ushbu emissiyalar o‘pka saratoni, yurak kasalliklari va insultning rivojlanish ehtimolini oshiradi.

Xo‘sh, uyda go‘sht qovurish yoki sham yoqish xavfsizmi? Umuman olganda, agar bu faqat bitta kechki ovqat uchun bo‘lsa yoki siz kamdan-kam hollardagina sham yoqsangiz, tashvishlanishga hojat yo‘q. Ammo yaqinda Daniyada o‘tkazilgan tadqiqot shuni ko‘rsatdiki, uy ichida sham yoqish va ovqat pishirish natijasida har xil kimyoviy moddalar ishlab chiqariladi. Ikkala manba ham havo yo‘llarining yallig‘lanishi bilan bog‘liq oqsillar darajasini oshiradi.

Bundan tashqari, olimlar hosil bo‘lgan zararli moddalar odamlarda DNKning shikastlanishiga olib kelishini aniqladi.

Buning oldini olish uchun bir nechta ko‘rsatmalarga amal qilish kerak. Avvalo, shamollatish uchun derazalarni oching, oshxona dudbo‘ronlaridan foydalaning. Bundan tashqari, ovqat pishirish usulini o‘zgartirishingiz va xushbo‘y shamlardan foydalanishingiz mumkin.

• Daniya
• salomatlik