12 yoshli bolani do‘kon sotuvchisi urgani aks etgan video ijtimoiy tarmoqlarda keng tarqalmoqda. Holat Bolalar ombudsmani tomonidan o‘rganilmoqda.

Joriy yilning 20-iyul kuni Bolalar ombudsmaniga bolaning onasi D.J. murojaat qilib, farzandi Sirdaryo viloyati Guliston shahridagi do‘konda xarid qilganda soliq chek so‘ragani uchun sotuvchi bolani haqoratlab, bir necha bor uning yuziga urganini bildirib, sotuvchiga qonuniy chora ko‘rishni so‘ragan.

“Ushbu murojaat yuzasidan hozirda Bolalar ombudsmani so‘rovi asosida ichki ishlar organlari tomonidan bolaga nisbatan sodir etilgan qonunga zid harakat o‘rganilmoqda”, – deyiladi ombudsman rasmiy munosabatida.

                                                         

• Ombudsman
• Sirdaryo