Yaqinda eʼlon qilingan “Sirli voqealar” serialining toʻrtinchi fasli “Netflix“da bir hafta ichida 7,2 milliard daqiqa tomosha qilingan. Bu esa rekord koʻrsatkich hisoblanadi.

Netflix “Sirli voqealar” (“Stranger things”) serialining yangi mavsumi eʼlon qilgach, bir hafta ichida serial eng koʻp koʻrilgan dasturlar boʻyicha Nielsen striming reytingi rekordini “buzib yubordi”. Ilmiy-fantastik drama joriy yilning 30-may kunidan 5 iyungacha 7,2 milliard daqiqa davomida koʻrilgan, bu 4 fasl 1 jildining birinchi toʻliq haftasi boʻlib, reytingda birinchi oʻrinni egallagan.

Ilgari “Yoʻlbarslar qiroli” va “Ozark” bir haftada 5 milliard daqiqa tomosha qilingan boʻlib, ikkalasi ham 2020-yilning mart oyida ushbu marrani zabt etgan edi.

Kinotanqidchilar bunday ajoyib muvaffaqiyatga nima sabab boʻlgani haqida oʻz fikr-mulohazalarini bildirib oʻtishdi:

“Sirli voqealar” ikki yil davomida striming xizmati uchun eng yuqori choʻqqi boʻldi. Oldingi rekordlar 5 milliarddan zoʻrgʻa oshgan edi.

Birinchidan, bu yerda nostalgik motiv juda muhim, bu bizni oʻtmishga, videokassetalar va qandaydir kulgili elektron musiqalar davriga qaytaradi. Shuningdek, u trillerlarga xos shov-shuvga ega boʻlgan filmlarning aql bovar qilmaydigan atmosferasiga va bir paytning oʻzida oila, doʻstlik hamda oʻsmirlik haqidagi serialdir”, – deydi kinoshunos Oksana Agapova.

Mutaxassisning soʻzlariga koʻra, mazkur loyiha yuqori sifatda amalga oshirilgan. Hozirda tomoshabinni hayajonga solmaydigan striming xizmatlari boʻyicha koʻplab oddiy loyihalar mavjud, biroq “Sirli voqealar” seriali umuman boshqacha.

“Sirli voqealar” – oʻzi qanday film?

“Gʻalati voqealar” (yoki “Ajobtovur voqelar”) – aka-uka Dafferlar tomonidan Netflix striming xizmati uchun yaratilgan amerikancha ilmiy fantastik va qoʻrqinchli drama teleseriali.

Birinchi mavsumning sakkizta epizodi Netflixʼda 2016-yil 15-iyulda namoyish etilgan. Ikkinchi mavsum 2017-yil 27-oktyabrda, uchinchisi esa 2019-yil 4-iyulda efir yuzini koʻrgan. 2019-yil sentyabr oyida serial toʻrtinchi mavsum uchun suratga olish ishlarini boshladi. U ikki qismdan iborat: birinchisi 2022-yil 27-mayda, ikkinchisi esa 1 iyulda namoyish etildi. Shuningdek, serialning beshinchi mavsumi ham yaratilishi kutilmoqda.

Serial 1980-yillarda Indiana shtatidagi xayoliy Xokins shahrida boʻlib oʻtadi. Filmda rollarni Uinona Rayder, Devid Xarbour, Finn Vulfxard, Milli Bobbi Braun, Gaten Mataratso, Kaleb Maklaflin, Natalya Dayer, Charli Xiton, Noa Shnapp, Sadi Sink, Jo Kiri, Kara Buono, Metyu Modin, Dakre Montgomeri, Shon Astin, Paulya Xok, Pria Fergyuson va Brett Gelmann ijro etgan.

Aka-uka Dafferlar 1980-yillarni serial voqealari uchun belgilab, uni oʻsha oʻn yillikdagi Stiven Spilberg, Jon Karpenter, Devid Linch, Stiven King va Lovkraft asarlaridan ilhomlangan baʼzi syujet mavzulari, gʻayritabiiy dahshat, ilmiy fantastika elementlari va rejissyorlik texnikasi bilan toʻldirishgan.

Dafferlar, shuningdek, “Sovuq urush” davridagi hukumatning gʻalati va maxfiy eksperimentlari bilan bogʻliq haqiqiy hayotdagi fitna nazariyalaridan ilhom olishgan.

“Ajabtovur voqealar” Netflixʼda rekord darajadagi tomoshabinlarni jalb qildi va butun dunyo boʻylab muxlislar hamjamiyatini shakllantirdi. Serial atmosferasi, aktyorlik va rejissyorlik ishi, ssenariy hamda syujeti tanqidchilar tomonidan universal eʼtirofga sazovor boʻldi.

Serialning syujeti

“Sirli voqealar” 1980-yillarda Indiana shtatining Xokins shahridagi xayoliy qishloqda boʻlib oʻtadi. Xokins milliy laboratoriyasi goʻyoki Amerika Qoʻshma Shtatlari Energetika departamenti uchun ilmiy izlanishlar olib boradi, lekin yashirincha paranormal va gʻayritabiiy narsalar, shu jumladan insonlar ishtirokida tajribalar oʻtkazadi.

Undagi olimlar beixtiyor muqobil oʻlchamga ega portal yaratadilar – “Teskari olam” (“The Upside down”). Uning taʼsiri Xokinsning bundan bexabar aholisiga dahshatli tarzda taʼsir qila boshlaydi.

Birinchi fasl 1983-yilning noyabrida, Uill Bayers “Teskari olam”ning mahluqi tomonidan oʻgʻirlab ketilganidan boshlanadi. Uning onasi Joys va shahar politsiyasi boshligʻi Jim Xopper Uillni qidiradi. Shu bilan birga, Eleven ismli yosh psixokinetik qiz laboratoriyadan qochib ketadi va Uillning doʻstlari Mayk, Dastin va Lukasga Uillni topishda yordam beradi.

Ikkinchi fasl bir yil oʻtib, 1984-yil oktyabr oyida boshlanadi. Uill qutqariladi, ammo voqealar tafsilotlaridan juda kam odam xabar topadi. Uill hanuzgacha “Teskari olam” mavjudotlari taʼsirida ekanligi aniqlanganda, uning doʻstlari va oilasi ularning koinotiga “Teskari olam”dan kattaroq tahdid borligini bilishadi.

Uchinchi fasl bir necha oydan soʻng, 1985-yilning 4-iyulini (Amerika mustaqillik kuni) nishonlash arafasida boʻlib oʻtadi. Yangi “Starcourt Mall” (savdo markazi nomi) Xokins aholisining diqqat markaziga aylanadi va uning mashhurligi tufayli boshqa koʻplab doʻkonlarda ish toʻxtab qoladi. Xopper Eleven va Maykning munosabatlari haqida tobora koʻproq tashvishlana boshlaydi va qizini himoya qilishni istaydi, shu bilan birga oʻz his-tuygʻularini Joysga maʼlum qiladi.

Shaharni bilmagan holda, “Starcourt” savdo markazi qoʻl ostidagi maxfiy sovet laboratoriyasi “Teskari olam”ga kirish eshigini ochishga intiladi, bu esa “Teskari olam” obʼyektlariga Xokinsdagi odamlarni egallashga imkon beradi va ular bilan kurashish uchun yangi “dahshat”ni yaratadi. Maynd Flayer ongni boshqarish orqali oʻz taklifini bajarish uchun Billidan foydalanadi.

Toʻrtinchi fasl bir, 1986 yil mart oyida boʻlib oʻtadi. Joys, Uill, Eleven va Jonatan yangi hayot uchun Kaliforniyaning Lenora shahriga koʻchib oʻtishadi. Ayni paytda, oʻzga olamdan kelgan Vekna ismli yangi yirtqich hayvon Xokins aholisini egallab, ularni oʻldirishni boshlaydi.

Doktor Sem Ovens va Martin Brenner Uillga bu yirtqich hayvon bilan kurashishda yordam berish maqsadida Elevenning kuchini tiklashga yordam berish uchun muassasaga olib boradi. Ayni paytda, Joys va Myurrey Xopperni Kamchatkadagi Gulag arxipelagidan qutqarish uchun Rossiyaga uchib ketishadi, u yerda asir Demogorgon ham yashar edi.

Mukofotlar

Serial “Oltin globus”, “BAFTA TV”, “Praymtaym Emmi” mukofoti uchun nomzod boʻlgan. Shuningdek eng yaxshi yangi media seriali, Amerika kino institutida yilning eng yaxshi 10 ta teleshousidan biri (2017), “Drama serialidagi eng yaxshi aktyorlar” nominatsiyasida 2017 yilgi “Screen Actress Guild Award” mukofoti hamda Amerika Prodyuserlar Gildiyasi mukofotiga sazovor boʻlgan.

2017-yil “MTV motive” va “TV awards” telekoʻrsatuvida eng yaxshi teledastur va eng yaxshi aktyor (Milli Bobbi Braun), 2017-yil “Saturn” mukofoti: eng yaxshi yosh aktyor mukofotlarini qoʻlga kiritgan.

Qayd etish mumkin, serial toʻrtinchi faslining byudjeti 270 mln. dollarni tashkil etadi.

• Kino
• Netflix
• Serial
• reyting