Astronomlar ALMA teleskopi yordamida Somon yoʻli markazida mitti spiralsimon galaktika borligini aniqlashdi. Mutaxassislarning taʼkidlashicha, u oʻzining yagona yulduzi atrofida aylanadi.

Yulduz Yerdan 26 000 yorugʻlik yili uzoqligida joylashgan boʻlib, Quyoshdan 32 barobar ogʻirroqdir. U gazdan iborat boʻlgan ulkan disk ichida harakatlanadi. Diskning eni 4000 ming astronomik birlikni tashkil etadi (1 astronomik birlik Yer va Quyosh oʻrtasidagi masofaga teng).

Bunday disklar Koinotda koʻp uchraydi. Ular odatda yulduzlarni “yutib yuboradi” va yosh yulduzlarning ogʻirligini oshiradi.

Somon yoʻli markazidagi obyekt esa noodatiy boʻlib chiqdi. Astronomlar uni “bizning galaktika markazidan xavfli masofa oraligʻida aylanayotgan mitti galaktika” deya taʼriflaganlar.

Olimlarning aytishlaricha, diskning harakati unga tabiiy spiralsimon koʻrinish bergan boʻlishi ehtimoli juda kam. Shu sababli ham uning boshqa kosmik obyekt bilan toʻqnashib ketgani taxmin qilingan.

• Kashfiyot
• Koinot
• ilm-fan
• kosmos