Toshkentda jinoyat ishlari bo‘lishicha mahkama ekstremistik g‘oyalarni targ‘ib qilgan Oksford universiteti poytaxt filiali talabasiga 5 yarim yil va Namangandan ikki nafar maktab o‘quvchisiga 6 yillik qamoq jazosiga hukm chiqardi. “Sevimli” telekanali “Zamon” informatsion dasturi sud zalidan xabar bergan.

Sud hujjatlarida qayd etilishicha, 2001-yilda tug‘ilgan, Oksford universiteti Toshkent filiali talabasi hamda har ikkisi ham 2003-yilda tug‘ilgan Namangandagi maktab o‘quvchilari internet orqali ta’sirlar natijasida ektremistik g‘oyalar targ‘ibotchisiga aylanishgan. Ular Telegram’dagi o‘z kanallarida o‘quvchilarini jihod qilishga va bu harakatni “Suriyada qiynalayotganlarga yordam berish” sifatida targ‘ib qilishgan.

Ma’lum bo‘lishicha, har birining kanalida 300 ga yaqin obunachisi bo‘lgan.
Sudlanuvchilar jihod amallarini bajarayotgan, internetdan topgan tanishidan Suriyaga borish tartibi, yo‘l-yo‘riqlarini o‘rgangani va  O‘zbekiston orqali Turkiyaga, u yerdan esa Suriyaga borish tartibi, chipta narxini so‘ragani daliliy ashyolar vositasida o‘z tasdig‘ini topgan.

O‘zbekistonda so‘nggi vaqtlarga “Hizb ut-Tahrir”, “Jihodchilar” kabi tashkilotlar ta’siriga tushgan shaxslar haqida bir necha xabar tarqaldi.

• Jinoyat
• Suriya
• Talabalar