Namangan shahrida yashovchi, 1999 y.t. fuqaro 2020-yilning sentyabr oyida mavsumiy ishlash maqsadida Turkiyaning Istanbul shahriga borgan.
Qayd etilishicha, u tikuvchilik sexida ishlashi davrida internet orqali “Tavhid va jihod katibasi” terroristik tashkiloti sobiq yetakchisi “Abu Saloh”ning maʼruzalarini muntazam tinglagan va unda ekstremistik qarashlar shakllangan.
Soʻngra “Tavhid va jihod katibasi” jangarilari safiga qoʻshilish maqsadida internet orqali mazkur tashkilotning 2 nafar aʼzosi bilan tanishib, ularning yoʻl-yoʻriqlari asosida 2021-yilning yanvar oyida Suriya davlatiga oʻtgan.
U yerda harbiy tayyorgarlikdan oʻtib, “Tavhid va jihod katibasi” terroristik tashkiloti joylashgan hududni qoʻriqlash bilan shugʻullangan.
Terrorizmga qarshi kurashish doirasida ushbu shaxs 2022-yilning iyun oyida Oʻzbekistonga olib kelingan hamda Davlat xavfsizlik xizmatining Tergov boshqarmasi tomonidan unga nisbatan jinoyat ishi qoʻzgʻatilgan.
Maʼlum qilinishicha, Jinoyat ishlari boʻyicha Toʻraqoʻrgʻon tuman sudining hukmiga asosan mazkur fuqaro Jinoyat Kodeksining 155-2 moddasining 1-qismi va 244-2 moddasining 1-qismi bilan aybdor deb topilib, unga 9 yil muddatga ozodlikdan mahrum qilish jazosi tayinlandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!