Bosh prokuratura huzuridagi Departamentning Uzun tuman bo‘limi tomonidan tadbirkorlik sub’yektlarining huquqlarini himoya qilish yuzasidan o‘tkazilgan tergovga qadar tekshiruvda, “Q.R.” MCHJ rahbari N.A. “U.s.” MCHJning issiqxona binosini 3 oy muddatda garovdan chiqarib berishga va’da qilgan holda zamonaviy issiqxona qurish uchun hududiy tijorat banki filialidan 1,2 mlrd kredit ajratilishiga erishib, ushbu mablag‘larni boshqa maqsadlarda sarflab talon-toroj qilganligi hamda 167,6 mln so‘m soliq va boshqa majburiy to‘lovlarni to‘lamaganligi aniqlangan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 184-moddasi (soliqlar yoki yig‘imlarni to‘lashdan bo‘yin tovlash) bilan jinoyat ishi qo‘zg‘atilib, tergov harakatlari o‘tkazilmoqda.

• Departament
• JK
• Kredit
• Surxondaryo
• Talon-taroj