Oʻzbekiston Suzish federatsiyasi mansabdor shaxslari jami 1 mlrd. 72 mln. soʻm byudjet mablagʻlarini talon-taroj qilgan.

Bosh prokuratura tomonidan mutasaddi idoralar bilan birgalikda Oʻzbekiston Suzish federatsiyasida sohaga ajratilgan mablagʻlarning maqsadli ishlatilishi oʻrganildi.

Oʻrganishda, Federatsiya mansabdor shaxslari va boshqalar mansab vakolatlarini suiisteʼmol qilib, juda koʻp miqdorda jamiyat manfaatiga zarar yetkazishgan.

Xususan, terma jamoa hamda uning zaxirasi tarkibiga kiritilmagan fuqaro Rossiya Federatsiyasining Volgograd shahrida oʻtkazilgan xalqaro yigʻinga yuborilib, 72 mln. soʻm byudjet mablagʻlari asossiz ishlatilgan.

Shuningdek, 2021-yilning oktyabr-dekabr oylarida jami 287 nafar sportchi “D” MChJga qarashli mehmonxona xizmatidan foydalanmagan boʻlsalar-da, foydalanganlik haqida elektron hisob-fakturalarga soxta yozuvlar kiritgan holda 1 mlrd. soʻmlik pul mablagʻ talon-toroj qilingan.

Maʼlum qilinishicha, mazkur holatlar boʻyicha jinoyat ishi qoʻzgʻatilib, dastlabki tergov harakatlari olib borilmoqda.

• Bosh prokuratura
• Jinoyat
• O‘zbekiston
• Suv sporti