Joriy yil 22-24-sentyabr kunlaari Samarqand shahrida suzish boʻyicha 10-bor tashkil etilayotgan Osiyo chempionati bahslari oʻtkaziladi.

Osiyo suzish federatsiyasi shafeligida oʻtkaziladigan mazkur nufuzli musobaqada qitʼaning koʻplab nomdor sportchilari sovrinli oʻrinlar uchun kurash olib borishadi. Ayni paytga kelib tashkilotchilar tomonidan tayyorgarlik ishlarining soʻnggi bosqichi olib borilmoqda.

Jumladan, Osiyo chempionatining sovrindorlari uchun beriladigan medallar ham tayyorlab qoʻyildi.

Medalning old tomonida Osiyo chempionatining logotipi berilgan. Medalning orqa tomonida esa dunyoga mashhur Registon maydoni berilgan boʻlib, Osiyo suzish federatsiyasi nomlanishining qisqartmasi hamda qitʼa chempionati oʻtkaziladigan sana berilgan.

• Osiyo Chempionati
• O‘zbekiston
• Samarqand
• Suv sporti