Kecha Hindistonning Kalkutta shahrida shaxmat bo‘yicha “Tata Steel Chess India” turniri boshlangan edi.

Oltinchi bor o‘tkazilayotgan nufuzli musobaqaning mukofot jamg‘armasi 41 500 AQSh dollarini tashkil etadi. Turnir 9 tur rapid (25+10) va 18 tur blits (3+2) yo‘nalishida o‘tkazilib, unda birinchi raqamli shaxmatchimiz Nodirbek Abdusattorov ham bosh sovrin uchun bahs olib bormoqda.

Quvonarlisi, Nodirbek birinchi kungi bahslardan so‘ng turnir jadvalida peshqadam bo‘lib oldi. U kecha o‘tkazilgan 3 ta partiyaning 2 tasida g‘alaba va birida durang qayd etdi. Nodirbek avvaliga FIDE bayrog‘i ostida harakat qilayotgan rossiyalik Danil Dubov bilan murosaga keldi. So‘ngra germaniyalik Vinsent Keymer hamda hindistonlik Rameshbabu Pragnanandhani ustidan g‘alabaga erishdi.

Uch imkoniyatdan ikki yarim ochko jamg‘argan Abdusattorov bugungi bahslar oldidan turnir jadvalida birinchi o‘rinda bormoqda.

• Nodirbek Abdusattorov
• Shaxmat
• turnir