“Tolibon” harakati delegatsiyasi va afgʻon ishbilarmon doiralari vakillari Oʻzbekistonga kelmoqda. Bu haqda “Sputnik” xabar berdi.

Bugun, 2-iyul kuni Afgʻonistonning amaldagi rahbariyati boʻlgan “Tolibon” harakati delegatsiyasi va afgʻon ishbilarmon doiralari vakillari rasmiy tashrif bilan Toshkentga uchib kelmoqda.

Unga Savdo vaziri vazifasini bajaruvchi Nureddin Aziziy boshchilik qiladi. Tashrif 2 hafta oldin, Oʻzbekistonning sobiq Tashqi ishlar vaziri Abdulaziz Komilovning Afgʻonistonga qilgan rasmiy safari chogʻida kelishib olingan.

Xabarga koʻra, boʻlajak uchrashuvda tomonlar ikki davlat oʻrtasidagi savdo aloqalarini rivojlantirish, shuningdek, tranzit tartib-qoidalarini yengillashtirish va afgʻon tadbirkorlari duch kelayotgan muammolarni hal etish masalalarini muhokama qilishlari kerak.

• O‘zbekiston
• Tashrif
• Toliblar