Kecha Navoiy viloyatining olis Tomdi tumanida 140 o‘rinli 12-umumta’lim maktabining yangi binosi foydalanishga topshirildi. Bu haqda xalq ta’limi vazirligi axborot xizmati xabar berdi.

Qayd etilishicha, ushbu xalq ta’limi muassasasi tuman mahalliy byudjet mablag‘lari hisobidan 3 mlrd. 209 mln. so‘mlik qiymatda barpo etildi. Unda 9x18 o‘lchamdagi sport zal, zamonaviy va moddiy jihozlar ta’minlangan bino barpo etilgan, laboratoriya xonalari esa mashg‘ulotlar uchun zarur asboblari bilan ta’minlangan.

“Yorug‘, issiq va shinam sinf xonalari o‘quvchilarni o‘z bag‘riga qabul qildi”, – deyiladi xabarda.

Maktab ochilishida, tuman hokimi Qayrat Aldabergenov va viloyat xalq ta’limi boshqarmasi vakillari ishtirok etgan.

• Maktab
• Navoiy