Toshkentga yetib kelgan yo‘lovchilar endi to‘g‘ridan-to‘g‘ri aeroportda avtomashinani ijaraga olish imkoniyatiga ega bo‘ldi. Xizmat Toshkent xalqaro aeroportining uchib kelish zalidan chiqishda joylashgan.

Avtomobilni ijaraga olish uchun poytaxt aeroportiga kelgan yo‘lovchi shaxsini tasdiqlovchi hujjat va haydovchilik guvohnomasini taqdim etishi kerak. Shundan so‘ng, avtomobilni tanlashi, shartnoma tuzishi va depozit yoki ijara haqini to‘liq to‘lashi lozim. Ro‘yxatdan o‘tish tugallangandan so‘ng, yo‘lovchiga avtomobil kaliti beriladi va mashina oldiga kuzatib qo‘yiladi.

Mazkur parkda yo‘lovchi mahalliy yoki xorijiy ishlab chiqaruvchi avtomobilini, shuningdek, elektromobil yoki benzinda ishlaydigan avtomobilni tanlashi mumkin. Unda, ishlab chiqarilgan yili to‘rt yildan, yurgan masofasi 80 ming km.dan oshmaydigan avtomobillar ijaraga beriladi.

• Aeroport
• Avtomobil
• Ijara to'lovi
• Toshkent