Ijtimoiy tarmoqlarda shahardagi qor uyumlarini Bo‘rijar kanalining suvni muhofaza qilish zonasiga o‘zboshimchalik bilan joylashtirilganligi haqida video tarqaldi. Holat yuzasidan Tabiat resurslari vazirligi matbuot xizmati rasmiy ma'lumot berdi.
Qayd etilishicha, holat bo‘yicha davlat inspektorlari tomonidan tezkor o‘rganishlar o‘tkazilib, poytaxt ko‘chalaridan tozalangan qorlarni belgilanmagan hududlarga joylashtirish holatlari to‘xtatildi.
Vazirlikning maxsus analitik laboratoriyasi jalb etilib, tahlil uchun ifloslangan qorlardan namunalar olingan.
O‘rganish davomida tegishli tashkilotlarning xodimlari o‘rtasida tushuntirish ishlari olib borildi.
Kelgusida tozalash ishlarida hosil bo‘ladigan qor va muzlarni belgilangan chiqindi poligonlariga chiqarish va joylashtirish bo‘yicha ko‘rsatmalar berildi hamda bu kabi holatlarga qayta yo‘l qo‘yilmasligi nazoratga olindi.
"Ushbu holat yuzasidan laboratoriya tahlil natijalariga ko‘ra, qo‘shimcha ma’lumot berilishini ma’lum qilamiz",–deyiladi vazirlik xabarida.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!