PSJ joriy mavsum avvalini ijobiy boshlagan bo‘lmasa-da ammo mavsumning keyingi va asosiy qismini ko‘taringki ruhda davom ettirmoqda. Misol uchun, jamoa Liga1 da muddatidan avval chempionlikni hal qildi. Shuningdek, parijliklar Fransiya kubogida ham o‘z yurishlarini davom ettirishmoqda ular bu musobaqada yarim finalgacha yetib kelishgan va asosiy favorit hisoblanishadi. Navbatda esa Yevrokubok turibdi. Futbol jamoatchiligi muxlis-u mutaxassislarning tahliliy yondashuvlariga ko‘ra, ushbu bahsda bir bosh ustun jamoa yo‘q. Ya’ni, tengma-teng va jangovar o‘yin kutib turibdi bizni.

“To‘pchilar” chorak finalda YeChLning ramziy “qiroli” bo‘lmish “Real Madrid”ni musobaqadan chiqarib yuborgandan so‘ng ular ham hazillashmayotganliklarini isbotlab qo‘yishdi. Mikel Arteta boshqaruvidagi jamoa APLda 2-o‘rin bilan kifoyalandi. Sababi “Liverpul” allaqachon chempionlikni rasmiylashtirishga ulgurgan. Bundan anglashiladiki, London jamoasi uchun mavsumni titul bilan yakunlashi mumkin bo‘lgan bitta “front” qoldi u ham bo‘lsa YeChL. Shunday qilib, bugun Yevrofutbol muxlislari dastlabki bahs bo‘lishiga qaramasdan shiddatli va tezkor uchrashuv guvohiga aylanishlari kutilmoqda.

Ma’lumot uchun, jamoalar ushbu mavsum YeChLning guruh bosqichida ham to‘qnash kelishgan va unda “Arsenal” 2:0 hisobida g‘alaba qozongan edi.

“Arsenal” – PSJ uchrashuvi Toshkent vaqti bilan 30-aprelga o‘tar kechasi 23:59 da “Emirates Stadium” o‘yingohida start oladi.

Tayyorladi: Azimjon Shodmonov

• Arsenal
• Futbol
• PSJ
• YeChL