Navro‘z bayrami arafasida Toshkent shahridan respublikaning turli hududlariga muntazam avtobus yo‘nalishlari orqali o‘z manziliga yetib olishni rejalashtirgan yo‘lovchilarga qulaylik yaratish maqsadida “Toshkent” avtovokzalidan amaldagi qatnovlarga qo‘shimcha ravishda har kuni shaharlararo yo‘nalishlarda o‘rtacha 10 dan ortiq avtobus qatnovlari tashkil etilmoqda. Bu haqda Transport vazirligi axborot xizmati xabar berdi.
Qayd etilishicha, 17 mart kuni amaldagi mavjud 22 ta qatnovdan tashqari Toshkent – Samarqand, Toshkent – Xiva yo‘nalishlarida bittadan, Toshkent – Denov, Toshkent – Termiz yo‘nalishlarida ikkitadan jami 6 ta qo‘shimcha qatnovlar amalga oshirilgan.
18 mart kuni Toshkent – Zarmitan, Toshkent – Navoiy, Toshkent – Samarqand, Toshkent – Qorako‘l yo‘nalishlarida qo‘shimcha bittadan, Toshkent – Denov, Toshkent – Xiva yo‘nalishlarida esa qo‘shimcha ikkitadan, Toshkent – Termiz yo‘nalishida esa qo‘shimcha to‘rtta jami 12 ta qo‘shimcha avtobus qatnovi amalga oshirildi.
19 mart kuni esa Toshkent – Zarmitan, Toshkent – Jo‘sh, Toshkent – Samarqand, Toshkent – Qorako‘l, Toshkent – Denov, Toshkent – Urganch yo‘nalishlarida qo‘shimcha bittadan, Toshkent – Xiva, Toshkent – Termiz yo‘nalishlarida qo‘shimcha ikkitadan, Toshkent – Navoiy yo‘nalishida qo‘shimcha to‘rtta jami 14 ta qo‘shimcha avtobus qatnovlari tashkil etilgan.
“Yo‘lovchilar oqimidan kelib chiqqan holda qo‘shimcha qatnovlarni tashkil etish davom etmoqda. Shu o‘rinda yo‘lovchilardan turli firibgarlar hamda yo‘lkira narxini sun’iy ravishda oshirgan avtovokzal atrofidagi noqonuniy taksi haydovchilariga to‘g‘ri kelib qolmasligi uchun chiptalarni “Toshkent” avtovokzali kassasidan xarid qilishni so‘raymiz”, – deyiladi xabarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!