Hukumat qarori bilan “Toshkent shahrining 2045-yilgacha bo‘lgan davrga mo‘ljallangan bosh rejasining asosiy ko‘rsatkichlari” tasdiqlandi.

Ushbu qarorga ko‘ra, bosh rejaning asosiy ko‘rsatkichlarini belgilovchi xaritalar Qurilish va uy-joy kommunal xo‘jaligi vazirligining Shaharsozlik kadastri geoaxborot tizimida ochiq ma’lumot sifatida joylashtiriladi.

Shuningdek, har qanday qurilish ishlarini amalga oshirish tasdiqlangan bosh reja asosida belgilangan tartibda ushbu hududning master-rejasi, batafsil rejalashtirish loyihasi yoki qurish loyihasi ishlab chiqilib, tasdiqlagan holda amalga oshiriladi.

Bosh rejaning ijrosi bo‘yicha amalga oshirilayotgan ishlar natijadorligi to‘g‘risida Toshkent shahar hokimining hisoboti har chorakning yakuni bo‘yicha Vazirlar Mahkamasi Rayosati majlisida eshitib boriladi.

Soddalashtirilgan ko‘rinishdagi Bosh reja Toshkent shahrining hududlarini quyidagi zonalarga ajratib beradi:

– konservatsiya zonalari;
– konstruksiya zonalari;
– renovatsiya zonalari.

• Toshkent
• reja