Ijtimoiy tarmoq sahifalarida tarqalgan Yunusobod tumanidagi 259-maktabning 6-sinf o'quvchisi jismoniy tarbiya darsi chog'ida vafot etganligi haqidagi xabar yuzasidan Toshkent shahar maktabgacha va maktab ta'limi boshqarmasi rasmiy munosabat bildirdi.

Yunusobod tumanidagi 259-sonli umumta'lim maktabida 2023-yil 6-oktabr kuni taxminan soat 11:10 larda dars jadvali asosida 6-“D“ sinfida 4-soat jismoniy tarbiya darsida jismoniy tarbiya o'qituvchisi M.K. yillik ish rejasiga asosan “Futbol amaliyoti. To'p bilan harakatlanish” mavzusida dars o'tayotgan vaqtida shu sinf o'quvchisi, 2011-yil 23-martda tug'ilgan M.S.ning ko'krak qafasiga koptok tegishi natijasida hushini yo'qotgan.

Zudlik bilan o'quvchi tumandagi 7-sonli klinik shifoxonasiga olib borilgan. Shifokorlar tomonidan tez tibbiy yordam ko'rsatilishiga qaramay o'quvchi M.S. vafot etgan.

Sud tibbiy ekspertizasining dastlabki xulosasiga ko'ra, M.S.ga yurakning reflektor to'xtashi. O'tkir yurak-qon tomir va nafas yetishmovchiligi. Bosh miya va o'pka shishi. Yurak gipertrofiyasi. Yurak tug'ma nuqsoni tashxisi qo'yilgan.

“Ko'ngilsizlikdan chuqur qayg'udamiz. Toshkent shahar maktabgacha va maktab ta'limi boshqarmasi kutilmagan noxush holat oqibatida hayotdan bevaqt ko'z yumgan o'quvchi M.S.ning ota-onasi va barcha yaqinlariga chuqur hamdardlik bildiradi”, deyiladi xabarda.

• Maktabgacha va maktab ta'limi vazirligi
• rasmiy munosabat