“O‘zbekistonda jinoyat sodir etgani uchun xalqaro qidiruvga berilgan A.A. Polshadan mamlakatimizga ekstraditsiya qilindi”, – deb xabar bermoqda “Dunyo” AA.

O‘zbekiston Interpol Milliy markaziy byurosi, O‘zbekiston elchixonasi va Polshaning tegishli idoralari hamkorligida amalga oshirilgan ishlar natijasida xalqaro qidiruvda bo‘lgan fuqaro A.A. mazkur mamlakat hududida qo‘lga olindi va O‘zbekistonga qaytarildi.

A.A. Interpolning qizil sirkulyari orqali qidiruvga berilgan bo‘lib, u O‘zbekiston hududida firibgarlik sodir etganlikda ayblanmoqda.

“Qonun oldida hamma teng. Jinoyat sodir etgan har qanday shaxs albatta javobgarlikka tortiladi. O‘zbekiston elchixonasi barcha fuqarolarni qayerda bo‘lishlaridan qat’iy nazar qonun-qoidalarga rioya qilishga chaqiradi”, – deb yozilgan O‘zbekistonning Polshadagi elchixonasi Telegram sahifasida e’lon qilingan xabarda.

• Deportatsiya
• Firibgarlik
• Hamkorlik
• Interpol
• O‘zbekiston
• Polsha
• fuqaro