Toshkent shahrining Yashnobod tumanida 61 yoshli erkak o‘z ulfatini pichoqlab qo‘ydi. Bu haqda Ichki ishlar vazirligi huzuridagi Tergov departamenti xabar berdi.

Qayd etilishicha, voqea 25-fevral kuni soat 23:00 larda Yashnobod tumani Qorasuv ko‘chasida yashovchi 61 yoshli Sh.I.ning yashash xonadonida yuz bergan. U tanishi – 45 yoshli P.V. bilan birga kechki ovqatlanish vaqtida spirtli ichimlik iste’mol qilgan. P.V. tanishi Sh.I.ni har xil haqoratli so‘zlar bilan so‘kkanida, Sh.I. ulfatiga uni o‘z uyida haqorat qilmasligini aytib, jahl ustida stol ustida turgan oshxona pichog‘i bilan bir marotaba chap ko‘krak qismiga urib tan jarohati yetkazgan.

Natijada P.V. olgan tan jarohatlari bilan shifoxonaga murojaat qilgan.

Mazkur holat yuzasidan Sh.I.ga nisbatan Jinoyat kodeksning 104-moddasi 2-qismi “l” bandi bilan jinoyat ishi qo‘zg‘atilib, gumonlanuvchiga nisbatan “qamoqqa olish” tarzidagi ehtiyot chorasi qo‘llanilgan. Hozirda tergov harakatlari olib borilmoqda.

• Jinoyat
• Pichoq
• Toshkent