Toshkent shahrida 10 000 AQSh dollari evaziga Haj vizasi chiqarib berishni va’da qilganlar qo‘lga olindi. Holat yuzasidan Davlat xavfsizlik xizmati xabar bermoqda.

O‘zbekiston Respublikasi Bosh prokuraturasi huzuridagi iqtisodiy jinoyatlarga qarshi kurashish Departamentining Toshkent shahar Yashnobod tumani bo‘limi xodimlari tomonidan va boshqa huquqni muhofaza qiluvchi idoralar xodimlari bilan hamkorlikda 2023-yilning 2-iyun kuni fuqaro T.I.ning arizasida keltirilgan vajlarni tekshirib ko‘rish maqsadida, Toshkent shahar, Uchtepa tumanida joylashgan “A.K.” MCHJ ofisida tezkor tadbir o‘tkazilgan.

Tadbirda, “A.K.” MCHJ rahbari A.M. va jamiyat xodimlari I.I., M.X. oldindan jinoiy til biriktirib, fuqaro T.I.ning ishonchiga kirgan va unga yuqori lavozimda ishlovchi mansabdor tanishlari orqali 10 000 AQSh dollari evaziga Haj ziyoratini amalga oshirish uchun viza qilib berishni va’da qilib, shundan 3 000 AQSh dollarini olgan vaqtda xolislar ishtirokida ashyoviy dalillar bilan ushlangan.

Mazkur holat yuzasidan Departamentning Yashnobod tumani bo‘limi tomonidan fuqarolar A.M., M.I., A.M. va boshqalarga nisbatan O‘zbekiston Respublikasi Jinoyat kodeksning 168-moddasi 2-qismi “b” bandi va 28, 211-moddasi 1-qismi bilan jinoyat ishi qo‘zg‘atilib, dastlabki tergov harakatlarini olib borilmoqda.

• Haj
• Jinoyat
• Toshkent
• Xavfsizlik