DXX tomonidan o‘tkazilgan maxsus amaliyotda internet tarmog‘i orqali sintetik-narkotik moddalar savdosi bilan shug‘ullanib kelgan uyushgan guruh qo‘lga olindi.
Ular tomonidan Toshkent shahrida ijaraga olingan 3ta xonadonda mefedron sintetik nakotik moddasini yashirin laboratoriya sharoitida ishlab chiqarish yo‘lga qo‘yilgan.
Maxsus tadbirlar natijasida ushbu xonadonlarda umumiy miqdori 892 gramm bo‘lgan mefedron, 45 gramm alfa PVP sintetik narkotik moddalari, xomashyo sifatida foydalanilgan 360 litrdan ortiq zaharli kimyoviy moddalar va perekursorlar hamda zarur asbob-uskunalar himoya vositalari borligi aniqlanib, protsessual tartibda rasmiylashtirib olingan. 
Shuningdek, guruh a’zolari xufiya joylarga yashirib qo‘yilgan 898 gramm mefedron moddasi, 15 litr va 12 kilogram miqdorda turli xil kimyoviy moddalar hamda 8 litr bromketon olib qo‘yildi.   
Bundan tashqari ulardan noqonuniy yo‘llar bilan bitkoin kriptovalyutasida jamg‘arilgan 113 779 ming AQSh dollari ham musodara qilindi.
Ta’kidlanishicha, 1992-2000-yillar oralig‘ida tug‘ilgan guruh a’zolarining 3 nafari Toshkent shahridagi hamda xorijdagi nufuzli OTMlar talabalari hisoblanadi.

• DXX
• Giyohvandlik
• Jinoyat
• Toshkent