Joriy yilning 11-mart kuni taxminan soat 14:00 larda Mirobod tumanidagi maktablardan birining 11-sinf o‘quvchilari: 2006-yilda tug‘ilgan T.A. hamda 2005-yilda tug‘ilgan O.J., shu tumandagi sport maydonchalaridan birida basketbol o‘ynayotgan vaqtida o‘zaro og‘zaki gap talashib qolganlar. Shundan so‘ng, voyaga yetmagan 2006-yilda tug‘ilgan T.A. ushbu kelishmovchilikni tinch yo‘l bilan hal qilish o‘rniga, o‘zi bilan olib kelgan pichoq bilan 2005-yilda tug‘ilgan O.J. ni bel sohasiga bir marotaba urgan. Natijada, O.J. tibbiy yordam ko‘rsatilishi uchun shifoxonaga olib borilgan. Hozirda O.J.ning holati qoniqarli.
Mazkur holat yuzasidan Mirobod tumani IIO FMB huzuridagi Tergov bo‘limi tomonidan O‘zbekiston Respublikasi Jinoyat kodeksining 277-moddasi (“Bezorilik”) bilan jinoyat ishi qo‘zg‘atildi. Tergov olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!