“O‘zbekiston elchixonasi diplomatlari “Centrum Air” xususiy milliy aviakompaniyasining Xalqaro savdo bo‘yicha direktori Salah Kadri, Skandinaviya mamlakatlari bo‘yicha bosh savdo menejeri Ibrahim Ramadan va kompaniya ekspertlari bilan onlayn uchrashuv o‘tkazdilar”, – deb xabar qilmoqda “Dunyo” axborot agentligi.

Muzokaralar davomida O‘zbekiston va Shimoliy Yevropa davlatlari o‘rtasida savdo aloqalarini kengaytirish hamda sayyohlar oqimini oshirish masalalari muhokama qilingan.

2025-yil oktyabr oyidan boshlab ushbu aviakompaniya tomonidan “Toshkent – Kopengagen – Toshkent” yo‘nalishi bo‘ylab to‘g‘ridan to‘g‘ri aviaqatnovlarni yo‘lga qo‘yilayotgani, Markaziy Osiyo va Skandinaviya davlatlarini keng targ‘ib qilish, jumladan qo‘shma turizm va madaniy tadbirlarni tashkil qilishda muhim ahamiyat kasb etishi qayd etilgan.

Hamkorlik doirasida Shimoliy Yevropa mintaqasidagi yirik xalqaro sayyohlik yarmarkalarida tegishli taqdimotlar o‘tkazish hamda skandinaviyalik mashhur bloger va jurnalistlardan iborat guruhning O‘zbekistonga press-turini amalga oshirish taklifi qo‘llab-quvvatlangan.

• Aviaqatnov
• O‘zbekiston
• Toshkent