Nyu-York hakamlar hay’ati sobiq prezidentni ta’qib qilish va tuhmat qilishda ayblagan yozuvchi Elizabet Jan Kerrollning da’vosi bo‘yicha Donald Trampni 83 million dollardan ko‘proq to‘lashni buyurdi. Bu haqda “MIR 24” xabar berdi.
Qayd etilishicha, sud qaroriga ko‘ra, Tramp Kerollga ma’naviy zarar uchun 7,3 million dollar, abro‘siga yetkazilgan zarar uchun 11 million dollar va jazo choralari uchun yana 65 million dollar to‘lashi kerak bo‘ladi.
Bu ish bo‘yicha ikkinchi bo‘lib o‘tgan sud majlisida Tramp ishtirok etmagan.
Hakamlar hay’ati qarori e’lon qilinishidan oldin u sud zalini tark etgan. Uchrashuv oldidan Tramp o‘zining aybsizligini ta’kidlashda davom etdi, deb xabar bermoqda CNN.
Shuningdek, o‘tgan yilning may oyida Tramp Kerrollning fuqarolik da’vosida aybdor deb topilib, ayolga 5 million dollar to‘lashga majburlangan edi. Shundan so‘ng, yozuvchi ikkinchi sudga murojaat qilgan va Trampning ayblov hukmidan keyin o‘zi haqida aytgan yangi haqoratomuz bayonotlari uchun unga yana 10 million dollar to‘lashni talab qilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!