Turkiya parlamenti Shvetsiyaning NATOga a’zoligini ratifikatsiya qilishni ko‘pchilik ovoz bilan ma’qulladi. Hujjat imzolash uchun Prezident Rajab Toyyib Erdo‘g‘anga yuborilgan. Alyansda Shvetsiyaning arizasini hali ma’qullamagan oxirgi davlat Vengriya bo‘ldi.
Ratifikatsiya Buyuk Millat Majlisining Bosh Assambleyasi tomonidan tasdiqlandi. Xabarlarga ko‘ra, Shvetsiyaning NATOga qabul qilinishi uchun 287 deputat ovoz bergan, 55 nafari esa qarshi ovoz bergan.
Buyuk Millat Majlisida mutlaq ko‘pchilik ovozga ega bo‘lgan Erdo‘g‘anning Adolat va taraqqiyot partiyasi (AKP) Shvetsiya arizasini ma’qullash tarafdori bo‘lgan. Turkiya parlament komissiyasi 2023-yil 26-dekabrda Shvetsiyaning NATOga a’zo bo‘lishi haqidagi ratifikatsiya protokolini tasdiqladi.
Shvetsiya 2022-yilda NATOga a’zo bo‘lish uchun ariza bergan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!